Policia e Kosovës ka arrestuar dy persona në dy raste të ndara, nën dyshimin se kanë zhvilluar veprimtari ilegale.

Në rastin e parë në cilësi të provave materiale janë sekuestruar një shtëpizë kompjuteri, dy lap-top, tri aparate për printim të tiketave, tiketa të shtypura dhe një shumë e parave prej 292 euro.

“Është arrestuar i dyshuari mashkull kosovar pasi që i njëjti në një lokal ka zhvilluar veprimtari ilegale. Njësiti policor në cilësi të provave materiale ka sekuestruar një shtëpizë kompjuteri, dy lap-top, tri aparate për printim të tiketave, tiketa të shtypura dhe një shume të parave prej 292 euro. Me vendim të prokurorit i dyshuari dërgohet në mbajtje”, thuhet në raportin 24-orësh të Policisë së Kosovës.

Ndërkaq në rastin e dytë në cilësinë e provave materiale janë sekuestruar katër aparate të lojërave dhe 1,305 euro.

“Podujevë 16.01.2025-19:30. Është arrestuar i dyshuari mashkull kosovar pasi që i njëjti në një lokal ka zhvilluar veprimtari ilegale. Njësiti policor në cilësi të provave materiale ka sekuestruar katër aparate të lojërave dhe 1305 euro. Me vendim të prokurorit i dyshuari dërgohet në mbajtje”, thuhet në raport.

Sipas raportit rastet janë cilësuar si “Organizim i skemave piramidale dhe bixhozit të paligjshëm”.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!