William Walker, ish-ambasadori i OSBE’së në Kosovë dhe njëri nga akterët kryesorë të ekspozimit të Masakrës së Reçakut, ka dëshmuar në Gjykatën Themelore në Prishtinë.

Kjo kërkesë është parashtruar nga Prokuroria Speciale, për mundësi të hetimeve të mëtejshme të krimeve të luftës në Kosovë.

Një gjë të tillë për Insajderin e ka bërë të ditur zëdhënësja e Gjykatës Themelore të Prishtinës, Mirlinda Gashi.

“Ju njoftojmë se pas kërkesës së Prokurorisë Speciale të Republikës së Kosovës për mundësi hetuese të veçantë për marrjen e deklaratës së dëshmitarit W.W, Gjykata Themelore në Prishtinë – Departamenti Special ka mbajtur seancën për mundësi hetuese të veçantë për marrjen e deklaratës së dëshmtarit W.W, i cili ka të bëjë me krime lufte”, ka thënë Gashi.

Zëdhënësja e Gjykatës së Prishtinës tutje ka thënë se seanca është mbajtur e mbyllur për publikun. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!