Kandidati për deputet nga radhët e Aleancës për Ardhmërinë e Kosovës (AAK), Daut Haradinaj, ka thënë se Ligjin për Parkun Kombëtar të Bjeshkëve të Nemuna duhet ta ndryshojmë.

Daut Haradinaj në tubimin madhështor me banorë të Zahaqit, Pavlanit, Nakllas, Ramunit dhe Llabjanit, ka thënë se këto anë meritojnë vëmendjen që u takon.

“Zahaqi, Pavlani, Naklla, Ramuni dhe Llabjani i thanë një PO të madhe Kosovës fituese. Vendlindja e Naim Malokut, veprimtarit dhe patriotit të pashoq, vendlindja e dhjetëra dëshmorëve e martirëve, meriton vëmendjen që i takon. Punëtorë e të ndershëm, nuk duan të jenë më të lënë anash, as nga pushteti qendror dhe as nga ai lokal”, ka thënë Daut Haradinaj.

Haradinaj ka premtuar ndryshimin e Ligjit për Parkun Kombëtar të Bjeshkëve të Nemuna.

“Kjo zonë ka nevojë për rivitalizim ekonomik, për të qenë në hartën e investimeve. Ligjin për Parkun Kombëtar të Bjeshkëve të Nemuna duhet ta ndryshojmë. Gjithë këtë do ta arrijmë përmes njerëzve që do të zgjidhen nga lista 137. Zëri i kësaj zone do të dëgjohet në vendimmarrje.

Faleminderit nga zemra”, është shprehur Daut Haradinaj.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!