Kryetari i Aleancës për Ardhmërinë e Kosovës, Ramush Haradinaj, ka shpërndarë një letër të kongresistit republikan, Zach Nunn, e cila iu dërgua pas vizitës që Haradinaj zhvilloi në Shtetet e Bashkuara të Amerikës, ku mori pjesë në inaugurimin e presidentit Donald Trump.

Kongresisti Nunn, që përfaqëson Iowa-n, shprehu krenarinë për lidhjet e ngushta mes Kosovës dhe SHBA-së, duke e quajtur Kosovën një “shtet simotër”.

Ai falënderoi Haradinajn për përkushtimin e tij në forcimin e marrëdhënieve ndërmjet dy vendeve.

“Partneriteti i Kosovës me SHBA-të është i përhershëm dhe strategjik. Takimet gjatë vizitës së fundit në SHBA me kongresistë, senatorë, në Pentagon dhe Departamentin e Shtetit, janë dëshmi po aq sa edhe kjo letër që kam pranuar sot nga kongresisti Zach Nunn. Marrëdhëniet me shtetin e Iowa-s, sidomos në përkrahjen për themelimin e ushtrisë dhe përfshirjen në trajnime e përgatitje të rëndësishme, janë raporte të shkëlqyera që reflektojnë forcimin e vazhdueshëm të marrëdhënieve mes dy popujve tanë!”, tha Haradinaj.

Haradinaj riafirmoi angazhimin e tij për anëtarësimin e Kosovës në NATO, duke e cilësuar atë si një prioritet politik dhe jetësor.

“Pas çlirimit, pavarësisë dhe themelimit të Ushtrisë së Kosovës, anëtarësimi në NATO mbetet prioriteti dhe misioni im politik dhe jetësor”, tha./Insajderi

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!