Kandidati për kryeministër nga radhët e PDK-së, Bedri Hamza, ka kritikuar Lëvizjen Vetëvendosje për kërkesën e saj të pamundur për 500,000 vota, duke e cilësuar këtë si një “referendum” të pavërtetë, shkruan Insajderi.

Hamza tha se qytetarët e Kosovës kanë votuar për ndryshim, duke i dhënë një shumicë votash partive të opozitës.

“Partia në pushtet kërkoi një referendum, kërkoi 500,000 vota, por qytetarët nuk ia dhanë këtë. Ata treguan se duan një ndryshim dhe numrin më të madh të votave e kanë partitë në opozitë,” tha Hamza.

Ai gjithashtu foli për mundësinë që partia fituese e zgjedhjeve të 9 shkurtit, nëse për ndonjë arsye nuk arrin të formojë qeverinë, atëherë PDK-ja do ta marrë përgjegjësinë për krijimin e institucioneve të reja.

“Bazuar në Kushtetutë, i takon partisë së parë të krijojë institucionet. Ne pranojmë rezultatin e votuesit. Nuk është se presim të jemi qeveria me çdo kusht, por nëse partia e parë nuk arrin ta krijojë qeverinë, atëherë PDK duhet të marrë përgjegjësi dhe të sigurojë që vendi të ketë institucione”, tha ai në Pressing të T7.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!