Lidhja Demokratike e Kosovës (LDK) arriti t’i marrë 8251 vota apo 27,94 për qind në Komunën e Lipjanit, e cila udhëhiqet nga Imri Ahmeti prej këtij subjekti politik.

Komisioni Qendror i Zgjedhjeve ka bërë të ditur në përditësimin e fundit se në Lipjan i ka numëruar votat e kandidatëve për deputetë thuajse të gjitha vendvotimet. Pra, gjithsej 83 nga 84 vendvotime.

Gazeta Insajderi ka arritur të sigurojë votat për kandidatët për deputetë nga radhët e LDK’së.

Më i votuari del kryetari i LDK’së dhe kandidati për kryeministër, Lumir Abdixhiku, me 7,321 vota.

Pas tij vjen kandidati për deputet Imri Ahmeti, i cili është edhe kryetar i kësaj komune, me 6,942 vota.

I treti më i votuari në Lipjan nga LDK’ja është Shkelzen Hajdini me 5,215 vota.

Rasim Hasani është kandidati i katërt më i votuari i LDK’së në Lipjan, me 4,932 vota.

Rezultat të befasishëm në Lipjan ka arritur edhe kandidatja e LDK’së nga kjo komunë, Anila Reçica- Llugiqi. Ajo ka marrë 4,542 vota.

Po ashtu, numër të lartë të votave në Lipjan ka marrë edhe Ardian Olluri, duke u votuar 4,437 herë. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!