Shoqata e Transportit e Podujevës ka njoftuar se sot, në orën 09:00, do të zhvillojë një protestë në Vranidoll për shkak të mosplotësimit të kërkesave të tyre nga Komuna e Prishtinës.

Sipas tyre, Trafiku urban i Prishtinës vazhdon të operojë në linjat që lidhin kryeqytetin me zonat jashtë territorit të tij, duke shkelur rregullat e dakorduara më herët.

Konkretisht, shoqata kundërshton vijimin e linjave Prishtinë-Vranidoll, Prishtinë-Kozaricë dhe Prishtinë-Lluzhan-Sharban, të cilat, sipas tyre, nuk janë në përputhje me kuadrin ligjor.

Kryetari i Shoqatës së Transportit, Beqir Mustafa, ka deklaruar se një nga linjat, ajo Prishtinë-Lluzhan-Sharban, ka hyrë në territorin e Komunës së Podujevës pa marrë miratimin e duhur.

“Ne kishim arritur një marrëveshje që autobusët e trafikut urban nuk kanë të drejtë të marrin udhëtarë në rrugën magjistrale, por kjo marrëveshje është shkelur. Protesta do mbahet nesër në fshatin Vranidoll te ish – kazerma e ushtrisë”, ka thënë Mustafa.

Shoqata paralajmëron se nëse situata nuk zgjidhet, do të ndërmarrin hapa të tjerë ligjorë dhe masa të mëtejshme për të mbrojtur të drejtat e tyre. Mbetet për t’u parë nëse Komuna e Prishtinës do të reagojë ndaj këtyre akuzave dhe protestës së paralajmëruar.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!