Gjendja e Papa Françeskut vazhdon të jetë e paqëndrueshme. Prej më shumë se dy javësh, ai ndodhet i shtruar në spital me diagnozën e pneumonisë bilaterale.
Së fundmi, burime bëjnë me dije se Papa Françesku ka kaluar një krizë të fortë me frymëmarrjen e cila çoi në përkeqësim të papritur të gjendjes së tij respiratore.
Ai u trajtua me aspirim bronkial dhe ventilim mekanik jo-invaziv, duke pasur një përgjigje të mirë ndaj trajtimit.
Mjekët po vlerësojnë gjendjen e tij dhe kanë nevojë për 24-48 orë për të përcaktuar nëse ka pasur dëmtime të tjera në gjendjen e përgjithshme. Aktualisht, Papa është koshient dhe mbetet i shtruar në spital për tu stabilizuar plotësisht.
Gjatë ditëve të fundit, Vatikani kishte raportuar përmirësime të lehta, por ende kërkohen ditë të tjera për të vlerësuar plotësisht prognozën e tij.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
