Një përplasje verbale ka ndodhur mes anëtarit të Komisionit Qendror të Zgjedhjeve, Sami Kurteshi nga Lëvizja Vetëvendosje dhe një komisioneri të Aleancës për Ardhmërinë e Kosovës, lidhur me vlefshmërinë e një vote të prerë poshtë gjatë numërimit të fletëvotimeve të ardhura me postë.

Akuzat janë ngritur nga koordinatori i vëzhguesve të AAK-së, Lavdim Mehani, i cili ka pretenduar se Kurteshi ka tentuar të ndikojë në shpalljen e vlefshmërisë së një vote, ndonëse ajo kishte qenë e prerë poshtë.

Sami Kurteshi ka hedhur poshtë këto akuzat, duke thënë se nuk ka pasur ndërhyrje dhe se vetëm komisionerët janë ata që kanë autoritetin për të vendosur mbi vlefshmërinë e votës.

Ai ka thënë se nuk është bërë presion ndaj komisionerëve dhe se ata mund të ankimohen në Panelin Zgjedhor për Ankesa dhe Parashtresa nëse mendojnë se është bërë padrejtësi.

Kurteshi ka shtuar se komisionerët që kryejnë punën me ndershmëri nuk duhet të kenë frikë nga asnjë presion.

Nga ana tjetër, Lavdim Mehani ka thënë se vëzhguesit e LVV-së në Deçan kanë insistuar po ashtu që një votë të prerë poshtë, e cila është konsideruar e pavlefshme.

“Para tre dite, vëzhguesit e LVV-së, kanë insistuar me e shpallë një votë të AAK-së në Deçan të pavlefshme, për shkak se e ka prerjen, ka ndodhur, është shpallur e pavlefshme edhe e kanë krijuar atë standard me atë prerje. Sipas informacioneve Samia ka ardhur te një tavolinë dhe i ka thënë komisionerit shpalle këtë të vlefshme, derisa ka qenë e njëjta votë, e prerë poshtë. E llogarisim si ushtrim ndikimi ose tentim për të ndikuar për ta shpallur të vlefshme apo pavlefshme”, tha ai.

Ai ka konfirmuar se AAK do të ankohet në PZAP lidhur me këtë çështje.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!