Një zëdhënës i qeverisë ruse tha të premten se sanksionet e reja amerikane nuk do ta ndalonin Moskën nga arritja e qëllimeve në Ukrainë, pas kërcënimit të presidentit amerikan, Donald Trump për të vendosur sanksione financiare të reja ndaj vendit për të detyruar një armëpushim.

“Rreshti i parë i këtij postimi është më i rëndësishmi. Për shumë muaj, SHBA ka qenë e fokusuar tek fitorja e Ukrainës. Tani ka njohje të realitetit që pozita e Ukrainës në fushën e betejës është e keqe”, tha për CNN, Maria Zakharova, zëdhënëse e ministrisë së Jashtme të Rusisë.

Ky reagim vjen si kundërpërgjigje ndaj mesazhit të presidentit amerikan, i cili fillon me pohimin se Moska është “duke goditur” Ukrainën.

“E vërteta është se Ukraina ka humbur, sepse ata besuan dhe varen nga Shtëpia e Bardhë e mëparshme. Në lidhje me sanksionet e reja, ne kemi hasur tashmë shumë sanksione dhe ato nuk na kanë ndaluar nga realizimi i qëllimeve tona”, shtoi Zakharova.

Me mesazhin e fundit, Trump shënoi një ndryshim të madh pas toneve pro-Moskës, veçanërisht pas një përplasjeje në Zyrën Ovale, ku Trump dhe zëvendëspresidenti JD Vance kritikuan ashpër presidentin ukrainas, Volodymyr Zelensky. SHBA ka pezulluar pas kësaj ndarjen e inteligjencës dhe ndihmën ushtarake për Ukrainën.

“Duke u bazuar në faktin që Rusia po ‘godet’ Ukrainën në fushën e betejës tani, unë jam duke marrë në konsideratë sanksione të mëdha bankare, sanksione të tjera dhe tarifa ndaj Rusisë deri në arritjen e një armëpushimi dhe marrëveshje përfundimtare për paqen”, shkroi presidenti amerikan në Truth Social. 

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!