Në Ditën Ndërkombëtare të Gruas, Bekim Jashari ka gratë e familjes së tij që u flijuan gjatë sulmit në Prekaz, më mars 1998.

Ai rikujton përpjekjet e përsëritura për të kontaktuar familjen gjatë datave 5, 6 dhe 7 mars, por pa sukses.

“Telefoni nuk u hap asnjëherë. Heshtja ishte e rëndë, por askush prej nesh nuk mundi ta imagjinonte atë që po ndodhte në të vërtetë,” shkruan ai.

Në vend të urimeve për gratë e familjes më 8 mars, ai mori lajmin e hidhur për rënien e tyre heroike.

“Ato nuk ishin thjesht nënat, gratë dhe motrat e familjes sonë. Ato ishin shtylla që e mbanin shtëpinë të fortë, edukonin fëmijët me dashurinë për atdheun dhe qëndronin gjithmonë krah për krah me babën Shaban, balin Adem dhe babushin Hamzën.”

Bekimi theksoi se gratë e familjes Jashari nuk ishin vetëm mbështetëse, por edhe luftëtare, të cilat refuzuan të largoheshin nga betejat dhe qëndruan deri në frymën e fundit.

“Gjatë sulmeve mbi familjen tonë dhe në ditët e Epopesë, ato ndihmuan me armatim, refuzuan të ndaheshin nga lufta dhe qëndruan deri në frymën e fundit, me guxim afër burrave.”

Ai shprehu mirënjohjen e tij ndaj motrës së tij, Besartës, të vetmes së mbijetuar, e cila është dëshmitare e asaj që ndodhi.

“Zoti la gjallë motrën time, Besartën. Ajo është dëshmitare e asaj që ndodhi dhe amaneti i atyre që zgjodhën lirinë përpara jetës.”

Në fund të mesazhit të tij, Bekim Jashari bëri një urim të veçantë për gratë e familjes dhe gjithë gratë e Kosovës.

“Sot, në Ditën e Gruas, dua të uroj me gjithë shpirt motrën time, Besartën, të vetmen që më ka mbetur nga babushi dhe nëna. Dua të uroj edhe gruan time, e cila me përkushtim e vazhdon traditën e nënave tona, duke rritur dhe edukuar fëmijët me të njëjtat vlera që na mësuan nëna Zahide dhe nëna Feride.”

“Lavdi grave të familjes sonë! Lavdi grave të Kosovës që u bënë dritë në errësirën e luftës dhe qëndruan të pathyeshme deri në çlirim.”

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!