Një tjetër person ka humbur jetën si pasojë e sulmeve me dronë gjatë natës në Rusi, sipas guvernatorit rajonal të Moskës, Andrei Vorobyev.

Ai ka bërë të ditur se një burrë 50-vjeçar ka vdekur në spital pas plagëve të marra, ndërsa dy të tjerë janë në gjendje të rëndë dhe po trajtohen në spital.

Sipas raportimeve të mëparshme nga BBC, një person tjetër kishte vdekur gjithashtu pas një sulmi “masiv” me dronë në Moskë, ku viktima është identifikuar si një roje 38-vjeçare që punonte në një parking makinash.

Autoritetet ruse kanë akuzuar Ukrainën për realizimin e sulmeve me dronë, duke i cilësuar ato si një ofensivë të organizuar në Moskë dhe rajonet përreth. Ky zhvillim ndodh para bisedimeve të ndjeshme të paqes, të cilat do të mbahen sot në Arabinë Saudite, ndërmjet Ukrainës dhe Shteteve të Bashkuara.

Përveç kësaj, autoritetet ruse të aviacionit, Rosaviatsia, njoftuan se kanë hequr kufizimet që ishin vendosur në aeroporte të Moskës – Domodedovo, Vnukovo dhe Zhukovsky, pas sulmit. Po ashtu, u raportua se 46 fluturime ishin detyruar të devijoheshin për shkak të sulmit me dronë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!