Presidentja e Kosovës, Vjosa Osmani në konferencën e përbashkët me shefin e NATO-s, Mark Rutte, ka thënë se Kosova ka ndërmend të intensifikojë investimet në fushën e mbrojtjes, përfshirë prodhimin e municioneve dhe dronëve.

Ajo ka potencuar rëndësinë e thellimit të partneritetit me NATO-n dhe shtetet anëtare, duke synuar të zhvillojë Forcën e Sigurisë së Kosovës në një forcë bashkëkohore, profesionale dhe ndërvepruese me aleatët.

“Ne dëshirojmë të thellojmë partneritetin tonë me NATO’n dhe të gjithë aleatët si shtete anëtare duke e zhvilluar çdo ditë e më shumë ushtrinë tonë, FSK’në, në një Forcë bashkëkohore, profesionale dhe ndërvepruese me forcat partnere në shërbim të paqes, stabilitetit dhe sigurisë kudo në botë. Kosova tashmë e ka arritur objektivin e NATO’s prej 2 për qind të GDP’së për investime në mbrojtje dhe synojmë në një kohë rekord ta dyfishojmë këtë përqindje të investimeve në sektorin e mbrojtjes“, tha ajo.

Osmani ka njoftuar se Kosova do të nisë së shpejti prodhimin e dronëve dhe municioneve.

“Po ashtu, Kosova së shpejti do të fillojë edhe me prodhim të dronëve dhe municioneve duke e pozicionuar vetën si një partner strategjik në fushën e mbrojtjes”, tha ajo.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!