Doarsa Kica-Xhelili, kandidatja e Lidhjes Demokratike të Kosovës për deputete në zgjedhjet parlamentare të 9 shkurtit, ka bashkërënduar qëndrimet me kreun e këtij subjekti politik, Lumir Abdixhiku.

Kica-Xhelili me anë të një shkrimi në ‘Facebook’ ka thënë se janë tri gjëra që LDK’ja ka përsëritur në vazhdimësi përgjatë fushatës.

“Në fushatë ishim kristal të qartë! Janë tre gjëra që i kemi përsëritur vazhdimisht: Kemi hendek të thellë me VV;  LDK nuk hyn në qeveri të cilën nuk e udhëheq LDK (Lumir Abdixhiku); Nuk jemi parti “bllok opozitare”. Jemi LDK-ja. Si e tillë, nuk jemi grup me të tjerët. Nuk formojmë qeveri jostabile veç për hir të pushtetit”, ka thënë ndër të tjera ajo.

Ajo ka thënë se mbi këto premisa edhe u votua LDK’ja.

“Duke e vendosur LDK-në para interesave personale, ne po e vendosim Kosovën para gjithçkaje tjetër. Për ne, dobësimi i LDK nënkupton dobësim të vet Kosovës. Prandaj, gabimet nuk i përsërisim! Sot, i qëndrojmë besnik elektoratit tonë, qëndrimeve tona.

Sot, nuk pres që kundërshtarët e LDK të pajtohen me ne. Në fakt, mospajtimi i tyre konfirmon se jemi në rrugë të duhur të përfaqësimit të votuesit tone”, ka thënë ndër të tjera kandidatja e LDK’së për deputete. /Insajderi.org/

LEXO EDHE:

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!