Ministria e Arsimit, e drejtuar nga Arbërie Nagavci, ka dhënë një tender mbi 15 mijë euro për një kontratë. Sipas kalkulimit fituesja e këtij tenderi, e cila do të angazhohet si kontraktore individuale në divizionin për buxhet dhe financa, i bie të marr pagë mujore prej 1,270 euro. Insajderi ju sjell detaje.

Gazeta Insajderi

Ministria e Arsimit, e udhëhequr nga Arbërie Nagavci, në vitin 2024 kishte hapur tender për “Angazhimi i konsulenteve për menaxhim të buxhetit dhe financave dhe mbajtje dhe raportim të regjistrave kontabël”.

Ndërkohë, me 21 shkurt të vitit 2025 ka publikuar njoftimin e nënshkrimit të kontratës.

Tenderin për “Angazhimin e 1 (një) kontraktori individual në divizionin për buxhet dhe financa për
mbajtje dhe raportim të regjistrave kontabël”, e ka fituar personi individual Selvete Fejzullahu.

Fejzullahu e ka fituar këtë tender me një shumë prej 15 mijë e 240 euro.

Bazuar në formularin e përshkrimit të çmimit, në faqen e tenderit, angazhimi i kontraktorit individual në divizionin për buxhet dhe financa për mbajtje dhe raportim të regjistrave kontabël, do të jetë për 12 muaj.

Gazeta Insajderi ka dërguar pyetje në Ministrinë e Arsimit, duke e pyetur se kontraktorja e angazhuar a e tejkalon pagën e drejtorit të departamentit për buxhet dhe financa.

Kjo pasi që kalkuluar me vlerën e tenderit dhe kohën prej 12 muajve, Selvete Fejzullahu i del të marr 1270 euro rrogë mujore. Mirëpo deri në publikimin e këtij teksti, nga Ministria nuk kanë kthyer ndonjë përgjigje./Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!