Kryetari i AAK-së, Ramush Haradinaj, ka rikujtuar shënimin e 24-vjetorit të Epopesë së Ushtrisë Çlirimtare të Kosovës. Nga aty, ai përmendur rëndësinë e aleancës me Shtetet e Bashkuara të Amerikës për çlirimin e Kosovës.

Gjatë fjalës së tij, Haradinaj theksoi se është një “mallkim” të harrohet ndihma e Amerikës, e cila luajti rol kyç në bombardimet e NATO-s që çuan në çlirimin e Kosovës nga forcat ushtarake të Sllobodan Millosheviqit.

“Është mallkim nëse ne vetëlavdërohemi dhe harrojmë ndihmën e atyre që na kanë dhënë në kohën më të vështirë të jetës tonë. Është mallkim t’ia rrahim krahët njëri-tjetrit dhe të themi se nuk kemi nevojë për askënd, se ne vetë e ruajmë lirinë tonë,” tha Haradinaj, duke potencuar se aleanca me Amerikën është jetike për sigurinë dhe mbrojtjen e Kosovës.

Ai gjithashtu theksoi se çdo përpjekje për të nënvlerësuar këtë aleancë është një kërcënim për stabilitetin dhe sigurinë e vendit.

“Kush vetëlavdërohet, kush mburret, ta dini se nuk ka vend për këtë popull dhe këtë vend,” shtoi Haradinaj.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!