Kombëtarja e Shqipërisë po avancon me rezultat 2-0 ndaj Andorrës pas 45 mintuave të parë në ‘Air Albania Stadium’.
Ndeshja që po zhvillohet në kuadër të rrethit të dytë kualifikues për Botërorin e vitit 2026, u dominua totalisht nga Kuqezinjtë.
Si në posedimin e topit ashtu edhe në atë të krijimit të rasteve, të besuarit e Sylvinhos ishin superior ndaj kundërshtarëve.
Për t’i dhënë epërsinë Shqipërisë u përkujdes Rey Manaj i cili në minutën e nëntë realizoi me kokë për rezultatin 1-0.
Ai nuk u ndal më kaq dhe vetëm 10 minuta më vonë realizoi sërish, kësaj radhe pas asistimit të Armando Brojës për rezultatin 2-0.
Manaj pati një mundësi për të realizuar het-trik qysh në pjesën e parë, por portieri mysafir Iker Alvarez bëri një pritje për t’ia mohuar atë.
Vlen të theksohet se në këtë takim u vërejt një prezencë jo aq e madhe e tifozëve në krahasim me ndeshjet e kaluara të Shqipërisë si vendas.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
