48 orët e fundit për Kosovën ishin tronditëse. Tre persona humbën jetën si pasojë e shtënave me armë zjarri. Rastet ndodhën në Vushtrri: një 19-vjeçar vrau një tjetër, ndërkohë gjatë natës një burrë vrau gruan e tij dhe më pas vetëvra. Asnjë reagim institucional nuk u dha lidhur me këto raste. Ndërkohë, sot Qeveria e Kosovës ka publikuar një video ku proklamon “arritjet dhe sukseset” gjatë katër vjetorit të qeverisjes.

Në një moment të tillë të trishtuar për vendin, Qeveria e Kosovës ka zgjedhur të publikojë një video në të cilën proklamon “arritjet dhe sukseset” e mandatit katërvjeçar të Qeverisë Kurti.

Sipas Qeverisë, katër vitet e fundit janë karakterizuar nga arritje të mëdha dhe sfida të shumta, e që sipas tyre Kosova është bërë më e sigurt, më e fortë dhe më e zhvilluar.

“Qeveria Kurti është qeveria e parë në historinë tonë politike që realizon një mandat të plotë. Ky mandat katërvjeçar u shënua nga suksese të rëndësishme dhe sfida të mëdha. Katër vite për Republikën, katër vite që i dhanë shtetit themel të fuqishëm dhe qytetarëve dinjitet”.

“Kosova sot është më e sigurt, më e fortë dhe më e zhvilluar se kurrë më parë, me rend, ligj dhe shpresë në çdo cep të vendit”, thuhet në shkrimin e tyre.

Ata shtuan se zgjedhjet e 9 shkurtit dëshmuan punën e mirë të tyre gjatë këtij mandati, duke paralajmëruar edhe një mandat.

“Zgjedhjet e 9 shkurtit dëshmuan punën tonë të mirë gjatë këtij mandati. Na presin shumë punë të mira edhe në mandatin e ardhshëm“.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!