Drejtuesi Politik i Koalicionit Euroatlantik, Lulzim Basha, i është përgjigjur sërish kryeministrit Edi Rama, përmes një videoje, duke i drejtuar disa pyetje të forta lidhur me borxhet dhe menaxhimin e tij si kryebashkiak i Tiranës.
Basha e akuzon Ramën për rekrutimin e dëshmitarëve të rremë, duke përmendur një rast në Memaliaj, ku një person ka pretenduar se nuk kishte dhënë lekë që Rama i kishte borxh. Ai shtoi se Rama nuk e ka shlyer borxhin, duke e krahasuar këtë me trashëgiminë e lënë në bashki, si “gropën e Hajdin Sejdisë” dhe nevojtoren më të madhe publike në botë, që ishte vetëm 200 metra larg zyrës së tij.
Po ashtu, Basha e ngacmoi edhe për marrëdhëniet me njerëzit e tij të ngushtë, duke përmendur Lali Erin dhe përpjekjet e tij për të mbushur “gjona të tjera” gjatë kohës që ka udhëhequr Bashkinë e Tiranës.
“Ku i ke shokët mo Rame? Ku e ke Lali Erin? E mësove mirë, por e pësoi keq, 7×7 = 313 Rame,” tha Basha, duke e ironizuar Ramën.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
