Një person ka humbur jetën si pasojë e plagëve të marra nga arma e zjarrit në incidentin që ndodhi në rrugën “Rrustem Hyseni” mbrëmjen e së martës.

Gazeta Insajderi mëson se personi që ka ndërruar jetë nga plagët e marra është Naser Gashi.

Ndërkaq, i plagosuri tjetër është Miftar Miftari.

Insajderi mëson se personi i cili është në kërkim nga Policia e Kosovës si i dyshuar për rastin është Alban Gashi.

Zëdhënësja e Policisë për rajonin e Prishtinës, Flora Ahmeti, ka thënë për Insajderin se dy persona janë lënduar dhe janë dërguar për trajtim mjekësor.

Ahmeti ka shtuar se i dyshuari është identifikuar dhe se policia është në kërkim të tij.

“Sot rreth orës 22:30, kemi pranuar informatën për të shtëna me armë në rrugën “Rrustem Hyseni” në Prishtinë, ku dyshohet të jenë lënduar dy persona të cilët janë dërguar për tretman mjekësor. Aktualisht hetuesit policor janë duke ndërmarr të gjitha masat e nevojshme në lidhje me rastin dhe janë në kërkim të personit të dyshuar i cili tashmë është identifikuar”, ka thënë ajo. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!