Pjetër Shala, i akuzuar në Dhomat e Specializuara të Kosovës, ka dorëzuar dosjen e apelit kundër urdhrit për zhdëmtim që e obligon të paguajë 208 mijë euro për viktimat e tij.

Zëdhënësja e Dhomave të Specializuara të Kosovës, Angela Griep, bëri të ditur se mbrojtësit të viktimave iu është dhënë një afat i ri deri më 4 prill për të dorëzuar përgjigjen e tij në dosjen e mbrojtjes.

Ky është urdhri i parë për zhdëmtim që i nënshtrohet procedurave të apelimit në DhSK dhe mund të shërbejë si precedent i rëndësishëm. Griep gjithashtu dha detaje për zhvillimet e tjera, përfshirë hedhjen poshtë të një kërkese të ekipeve mbrojtëse në çështjen ndaj Hashim Thaçit, Kadri Veselit, Rexhep Selimit dhe Jakup Krasniqit, që kërkonin dorëzimin e dosjeve përfundimtare njëra pas tjetrës.

Në seancat e ardhshme të kësaj çështjeje, Griep njoftoi gjithashtu se dëshmitarët mund të japin dëshmi përmes video-lidhjes, ndërsa një dëshmitar tjetër ka dhënë dëshmi të mbyllura për publikun.

Griep po ashtu përmendi vizitën e fundit të Thaçit në Kosovë, që u lejua për arsye humanitare dhe njoftoi se çdo të enjte mbahet një informim javor online nga Dhomat e Specializuara të Kosovës për zhvillimet e fundit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!