Omea Mehmeti, 2-vjeçare, po kalon një sfidë të vështirë me shëndetin e saj.

2-vjeçarja nga Prishtina po përballet me një sëmundje të rëndë në veshkë, për të cilën trajtimet e mëtutjeshme nuk mund t’i marrë në institucionet publike shëndetësore në Kosovë.

Të mërkurën, Shërbimi Spitalor i Kosovës rekomandoi vazhdimin e trajtimit urgjent mjekësor të Omeas 2-vjeçare, jashtë vendit.

“Rekomandohet trajtim urgjent jashtë vendit”, thuhet në raportin e Klinikës së Kirurgjisë Pediatrike në QKUK, të cilin e ka nënshkruar drejtori i kësaj klinike Sejdi Statovci.

Valdrin Mehmeti, babai i Omeas, tha sot në një njoftim se mjekësit i kanë këshilluar transferimin urgjent të Omeas për një ekzaminim të specializuar në Francë.

“Omea Mehmeti, një vajzë e mrekullueshme 2-vjeçare nga Prishtina po e kalon një betejë të rëndë për shëndetin e saj. Qe dy vite, ajo është përballur vazhdimisht me operacione për shërimin e veshkave por pa sukses!”, thuhet në njoftimin e prindit të 2-vjeçares, të cilin ai e ka publikuar në rrjetet sociale.

Në njoftim thuhet se jeta e Omeas është bërë e varur nga medikamentet kundër dhimbjes.

“Herën e fundit, mjekët në QKUK kanë këshilluar që Omea duhet të transferohet urgjentisht në Francë për një ekzaminim të specializuar. Jeta e saj është bërë e varur nga medikamentet kundër dhimbjeve”, vazhdon njoftimi.

Në pamundësi për të mbuluar shpenzimet, familja ka vendosur të shpallë kërkesë për ndihmë financiare nga qytetarët.

Më poshtë mund të gjeni publikimin e prindit të Omeas dhe të dhënat e bankës për ndihmë:

Banka: Raiffeisen Bank Kosovo

Swift Code: RBKOXKPR

Account Nr: 1501120002095029

Emri: Valdrin Mehmeti (Babai)

Tel: +38345622221

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...