Trainkos ka reaguar pas aksidentit tragjik të trenit me një veturë përgjatë së dielës në Jagot të Klinës, ku ka humbur jetën një 68-vjeçar dhe janë lënduar tre persona të tjerë.

Në njoftimin e ndërmarrjes thuhet se aksidenti ka ndodhur si shkak i mosrespektimit të shenjave të komunikacionit rrugor nga ana e drejtuesit të veturës, shkruan Insajderi.

“Na vjen keq, se si pasojë e një aksidenti të ndodhur sot, një qytetar ka humbur jetën dhe tre të tjerë kanë mbetur të lënduar. Familjes së viktimës dhe gjithë farefisit i shprehim ngushëllimet tona më të sinqerta dhe të thella”, thuhet në njoftimin e Trainkos.

“Komunikacioni hekurudhor rregullohet me ligje dhe sinjalizime specifike, të cilat obligohemi t’i respektojmë në përpikëri. Rregullat dhe sinjalizimi i trafikut rrugor janë obligative për të gjithë përdoruesit e rrugës, përfshirë drejtuesit e mjeteve rrugore,” thuhet tutje.

Gazeta Insajderi raportoi me burime se nga aksidenti humbi jetën 68 vjeçari Nikë Palushaj. Aksidenti ka ndodhur në fshatin Jagot të Klinës.

LEXO EDHE:

Aksidentin me fatalitet e konfirmoi edhe zëdhënësi i policisë për rajonin e Pejës, Fadil Gashi.

“Ngjarja ka ndodhur rreth orës 12:25. Në vendin e ngjarjes kanë dalur ekipet emergjente dhe zjarrfikësit. Vdekjen e viktimës e ka konstatuar mjeku në vendin e ngjarjes. Dy të lënduarit janë dërguar për trajtim në Emergjencën e Spitalit Rajonal në Pejë”, tha ai për media. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!