Policia e Kosovës, ka arrestuar një person të dyshuar për keqpërdorim dhe mashtrim në procesin e prokurimit publik në Gjilan, ka shkruar Insajderi.
Hetimet e zhvilluara kanë siguruar prova të besueshme që i dyshuari mashkull kosovar, si person i autorizuar, ka paraqitur dokumente të rreme dhe të falsifikuara gjatë një aplikimi për një aktivitet prokurimi.
Si pasojë, i dyshuari ka tentuar të ndikojë në vendimin e procedurës së vlerësimit për t’u përfshirë në një tender me vlerë të përgjithshme prej 400,000 euro, duke i përftuar kundërligjshëm fonde publike.
Pas zhvillimit të intervistës, i dyshuari është dërguar në mbajtje për një periudhë 48 orëshe.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
