Deputetja boshnjake Emilja Rexhepi, e njohur për mbështetjen e saj ndaj Lëvizjes Vetëvendosje, ka ngjallur dyshime lidhur me qëndrimin e saj për votimin e kryeparlamentarit të propozuar nga kjo parti. Ndonëse më parë kishte konfirmuar votën pro, sot Rexhepi ka bërë një deklaratë që ka lënë gjithçka të hapur.
E pyetur nga gazetarët nëse do ta votojë kandidatin për kryetar të Kuvendit, ajo është përgjigjur shkurt: “Ndoshta e votojmë.”
Javën e kaluar, Rexhepi kishte deklaruar se jo vetëm do ta votonte kandidatin për kryeparlamentar, por edhe do ta mbështeste formimin e qeverisë së re të drejtuar nga Albin Kurti.
Ajo kishte bërë të ditur se nuk kishte marrë ndonjë ofertë për të qenë pjesë e kabinetit si ministre, por pavarësisht kësaj, do të votonte për qeverinë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
