Bota e pasurisë së madhe ka një emër të ri në krye dhe këtë herë, nuk është një yll muzike, por një gjeni teknologjie!
Bota e pasurisë së madhe ka një emër të ri në krye dhe këtë herë, nuk është një yll muzike, por një gjeni teknologjie!
Lucy Guo, 30-vjeçarja nga Shtetet e Bashkuara të Amerikës, është shpallur zyrtarisht gruaja më e re miliardere e vetë-krijuar në botë, duke kaluar në këtë mënyrë edhe superyllin Taylor Swift, e cila mbante këtë titull që prej vitit 2023.
Lajmi vjen nga vetë revista prestigjioze “Forbes”, që ka publikuar listën e përditësuar të miliarderëve më të rinj.
Guo është bashkëthemeluese e kompanisë së inteligjencës artificiale Scale AI, një startup i themeluar në San Francisko, i cili ka njohur një rritje të jashtëzakonshme vitin e fundit. Edhe pse Lucy është larguar nga kompania që në vitin 2018, ajo ka ruajtur një pjesë të aksioneve, të cilat sot vlejnë miliona.
Pasuria e saj është vlerësuar në 1.25 miliardë dollarë, duke lënë pas Swift-in, e cila qëndron në 1.1 miliardë dollarë në kategorinë e miliardereve të vetë-krijuara dhe më të reja në moshë.
Në një prononcim për “Forbes”, Guo u shpreh se kjo arritje ishte “paksa e çuditshme, por emocionuese”.
Ndërkohë, Taylor Swift mbetet një ikonë në historinë e muzikës dhe është artistja e parë që e ka ndërtuar pasurinë e saj ekskluzivisht nga arti – me mbi 600 milionë dollarë nga turnetë, 600 milionë nga katalogu muzikor, dhe rreth 125 milionë të tjera në pasuri të paluajtshme.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
