Seanca e gjashtë konstituive e Kuvendit të Kosovës është shoqëruar me një skenë ironike dhe jo fort të zakonshme ndërmjet deputetit të Lëvizjes Vetëvendosje, Agim Bahtiri, dhe atij të LDK-së, Paris Guri.
Ditë më parë, Guri kishte ironizuar me Vetëvendosjen duke thënë se do të votonte Agim Bahtirin për kryetar të Kuvendit, nëse kjo parti do ta propozonte.
Kjo deklaratë nuk është pritur mirë nga Bahtiri, shkruan Insajderi.
Gjatë seancës së sotme, Bahtiri është parë duke i dhënë një biberon me qumësht deputetit të LDK-së, në një veprim që u interpretua si reagim ndaj ironisë së mëparshme.
Ndërkohë, sërish përmes një postimi në Facebook, ka reaguar deputeti i LDK-së, Paris Guri, i cili sërish ka ironizuar me numrat që nuk po mund t’i sigurojë assesi Vetëvendosje.
“As kjo si paska 61. Për mililitra e kom fjalën”, ka shkruar ai teksa ka publikuar shishen që ia dhuroi Bahtiri.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
