Ky është momenti kur një aeroplan u rrëzua në det nga ku mbetën të vdekur gjashtë persona në bord.
Kjo ndodhi vetëm pak metra larg një hoteli luksoz përgjatë bregdetit të Tajlandës, shkruajnë mediat e huaja.
Dhe pamjet thuhet se tregojnë Viking DHC-6 Twin Otter duke u zhytur në ujë në distriktin Cha-am, rreth 80 milje në jugperëndim të kryeqytetit, Bangkok
Mysafirët e tmerruar në një hotel aty pranë panë aeroplanin teksa u përplas në oqean gjatë një ushtrimi ‘praktikimi parashute’ pak pas orës 8 të mëngjesit sipas orës lokale.
Isara Supasa tha se dëgjoi motorin e aeroplanit dhe e pa atë të zhytej në ujë të cekët.
Pesë persona u nxorën nga uji nga zhytësit, por u shpallën të vdekur në vendngjarje.
Një person i gjashtë vdiq më vonë në spital, sipas një deklarate të Policisë Mbretërore të Tajlandës në Facebook.
Autoritetet po shqyrtojnë regjistruesin e të dhënave të kutisë së zezë të aeroplanit për të përcaktuar shkakun e rrëzimit.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
