Një sasi e konsiderueshme parash është zbuluar gjatë një kontrolli në pikëkalimin kufitar në Bërnjak, shkruan Insajderi.

Të dielën, gjatë një kontrolli rutinë të një automjeti me targa serbe, zyrtarët policorë dhe doganorë kanë gjetur 11 mijë e 300 euro dhe 79 mijë e 780 dinarë të Serbisë në kartëmonedha, të cilat ishin të padeklaruara.

Sipas Policisë së Kosovës, automjeti drejtohej nga një shtetas i Serbisë, ndërsa rasti është duke u trajtuar në procedurë të mëtejme për kundërvajtje doganore nga ana e Doganës së Kosovës.

“Me datën 27.04.2025 rreth orës 12:55 në pikëkalimin kufitar në Bërnjak në hyrje të Republikës së Kosovës, zyrtarët policorë kufitarë, në bashkëpunim edhe me zyrtarët doganorë, kanë realizuar një kontroll të përbashkët, me ç’rast gjatë kontrollit në një automjet me targa serbe me drejtues shtetas të Serbisë, janë gjetur 11.300 (njëmbëdhjetëmijë e treqind) euro në kartmonedha dhe 79.780 (shtatëdhjetë e nëntëmijë e shtatëqind e tetëdhjetë) dinarë të SRB-së në kartmonedha (rreth 678 euro sipas kursit zyrtar) të padeklaruara. Rasti është duke u trajtuar në procedurë të mëtejme për kundërvajtje doganore nga ana e Doganës së Kosovës.”, thuhet në njoftimin e Policisë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!