Fatmir Limaj është shprehur i pikëlluar nga vdekja e Naser Shalës, ish-komandantit të Ushtrisë Çlirimtare të Kosovës dhe mikut të tij të hershëm.

Limaj dhe Shala ishin miq nga fëmijëria. Të dy me origjinë nga Banja e Malishevës. Të dy ish-eprorë të UÇK-së gjatë luftës.

“Me dhimbje të thellë mora lajmin për ndarjen nga jeta të mikut tim të rrugëtimit të jetës dhe bashkëluftëtarit të idealeve tona më të shenjta, Naser Shala – Ftyra! Na lidhi vendlindja dhe rinia, na bashkoi lufta për liri, dhe mbetëm bashkë edhe në betejat e pasluftës për të mbrojtur pastërtinë e luftës sonë të drejtë”, tha Limaj.

Limaj e përshkroi Shalën si një njeri “i zemrës së madhe, trim i lindur dhe shok i pathyeshëm”.

“E jetoi me nder çdo sfidë dhe e mbrojti me dinjitet secilën vlerë për të cilën luftuam. Sot ndjej dhimbje të madhe për humbjen e një miku të rrallë, një vëllai të luftës dhe të jetës”, shkroi Limaj.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!