Drejtoria e Bujqësie në Drenas, ka hapur një konkurs punë për “Zyrtar i Lartë i Bujqësisë”. Ajo që e dallon këtë konkurs është se pjesë u bë edhe vetë drejtoresha Anita Avdullahu. E njëjta tha se konkursi ka qenë i hapur për të gjithë.
Gazeta Insajderi
Komuna e Drenasit, ka hapur një konkurs për pozitën “Zyrtar i Lartë për Bujqësi”
Në këtë konkurs dy kandidatë i plotësuan kushtet.
Njëra ndër to si për çudi është vetë drejtoresha e Bujqësisë në këtë Komunë, Anita Avdullahu.
Se Avdullahu mban këtë pozitë mund të vërtetohet lehtë në bazë të dhënave që gjenden në web-faqen e Komunës së Drenasit.
Aty shkruan se Anita Avdullahu është drejtoreshë për Bujqësi dhe Zhvillim Rural.
A ka elemente konflikti në këtë konkurs?
Drejtoresha Anita Avdullahu, tha për Gazetën Insajderi se konkursi ka qenë i hapur për të gjithë.
Por, që shprehet se është përkujdesur që të mos ketë elemente të konflikt interesi duke mos u përfshirë në procedura.
“Jam kujdesur që në të gjitha fazat t’i shmangem konfliktit te mundeshem te interesit. As unë dhe asnjë zyrtar i drejtorisë të cilën e udheheqi nuk ka marrë pjesë në asnjë fazë të procedurës për këtë pozitë Pozita rekrutuse ka qenë e hapur me të drejtë konkurimi për të gjithë”, tha në përgjigjen e saj Avdullahu.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
