Në Gjykatën Themelore të Prishtinës duke filluar nga ora 09:30, do të mbahet seanca gjyqësore ndaj grupit më të madh të ish-deputetëve të përfshirë në rastin e hedhjes së gazit lotsjellës në Kuvend.

Seanca e 21 marsit ka dështuar të mbahet pasi të akuzuarit nuk janë paraqitur. E vetmja që ishte paraqitur në seancë ishte ministrja në detyrë e Drejtësisë, Albulena Haxhiu.

Ende nuk dihet nëse në seancë do të jetë ministrja në detyrë pasi që e njëjta është e propozuara e Lëvizjes Vetëvendosje për kryeparlamentare, dhe se seanca konstituive e Kuvendit, do të fillojë në ora 10:00.

Ndryshe, në këtë rast, ministrja e Drejtësisë, Albulena Haxhiu, deputeti Pal Lekaj dhe ish-deputetet Donika Kadaj-Bujupi dhe Besa Baftiu, akuzohen për posedim të gazit lotsjellës në Kuvendin e Kosovës më 2016.

Gjykata Themelore në Prishtinë më 18 maj 2021, në mungesë të provave, i kishte liruar nga akuzat për armëmbajtje pa leje, ministren e Drejtësisë, Albulena Haxhiu, deputetin Pal Lekaj dhe ish-deputetet Donika Kadaj-Bujupi dhe Besa Baftiu, për akuzën e posedimit të gazit lotsjellës në Kuvendin e Kosovës.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!