Pas përfundimit të procesit të votimit dhe mbylljes së orarit zyrtar, kryetari i Partisë Demokratike, Sali Berisha, ka dhënë një prononcim të shkurtër për mediat nga selia e PD-së.

“Sot kam një përshëndetje të përzemërt për të gjithë qytetarët për pjesëmarrjen e tyre në procesin e votimit dhe për ata që erdhën nga toka, deti dhe ajri, dhe firmosën sot ndryshimin”, u shpreh Berisha.

Ai shprehu gjithashtu mirënjohje për punën e komisionerëve, të cilët, sipas tij, kanë vepruar me përkushtim dhe në përputhje me ligjin, shkruan Insajderi.

“Kam një mirënjohje për komisionerët tanë, engjuj të vërtetë të votës së qytetarëve. Kanë bërë një punë shembullore, të guximshme duke evidentuar çdo shkelës të ligjit. Thirrja ime është të zbatojnë ligjin”, shtoi Berisha.

I pyetur për vlerësimin e tij mbi procesin zgjedhor deri në atë moment, Berisha tha:
“Nga informacionet deri më tani, kemi gëzim në të gjitha anët.”

Ai përfundoi me një ton optimist, duke lënë të kuptohet se është i kënaqur me rrjedhën dhe rezultatet e deritanishme të procesit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!