Rusia është përgjegjëse për rrëzimin e një aeroplani të kompanisë “Malaysia Airlines” në pjesën lindore të Ukrainës në korrikun e vitit 2014, ka konkluduar agjencia e aviacionit e Kombeve të Bashkuara.

Të gjithë 298 personat që ndodheshin në atë aeroplan e kishin humbur jetën, pasi mjeti ishte rrëzuar nga një raketë e prodhimit rus, raporton televizioni BBC.

Kremlini gjithmonë e ka mohuar përgjegjësinë për këtë rast.

Të hënën, Këshilli i Aviacionit Civil Ndërkombëtar votoi me shumicë votash për të konkluduar se Federata Ruse kishte dështuar që t’i respektonte detyrimet e saj sipas së drejtës ndërkombëtare për transportin ajror, me të cilën shteteve u kërkohet që “të përmbahen nga zgjedhja e përdorimit të armëve kundër aeroplanëve civilë në fluturim”

Aeroplani i kompanisë “Malaysia Airlines” ishte duke fluturuar nga Amsterdami për në Kuala Lumpur, kur ishte goditur në rajonin Donbas të Ukrainës, gjatë një konflikti mes forcave ukrainase dhe rebelëve pro-rusë.

Shumica e pasagjerëve dhe anëtarëve të ekuipazhit – 196 persona – ishin nga Holanda. Në aeroplan ndodheshin edhe 38 persona nga Australia, 10 shtetas britanikë si dhe nga një prej Belgjikës dhe Malajzisë.

Rasti në OKB ishte paraqitur nga qeveritë e Australisë dhe Holandës, të cilat e kanë mirëpritur vlerësimin e kësaj agjencie për përgjegjësinë e Rusisë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!