Në kuadër të Takimit Vjetor dhe Forumit të Biznesit të Bankës Evropiane për Rindërtim dhe Zhvillim (BERZH) që po mbahet në Londër, kompania Viva Fresh ka nënshkruar një marrëveshje historike financimi në vlerë prej 25 milionë euro.

Kjo është marrëveshja më e madhe ndonjëherë e BERZH-it për një kompani nga Kosova, duke shënuar një moment kyç për zhvillimin e sektorit privat në vend.

Marrëveshja u nënshkrua nga:

Xhevdet Rexhepi, pronar i Viva Fresh

Zsuzsanna Hargitai, Drejtoreshë Menaxhuese e Grupit të Financimit dhe Zhvillimit për NVM-të në BERZH

Matteo Colangeli, Shef Rajonal i BERZH për Ballkanin Perëndimor

Andreea Moraru, anëtare e Bordit të ENEF II

Ky financim bëhet në kuadër të Kornizës së Investimeve të Bashkimit Evropian për Ballkanin Perëndimor, dhe përfaqëson një partneritet strategjik mes Viva Fresh, BERZH dhe ENEF II. Ai pasqyron besimin e institucioneve ndërkombëtare në Viva Fresh si një kompani lidere në transformimin e tregtisë me pakicë në Kosovë.

Nëpërmjet këtij mbështetjeje, Viva Fresh synon të zgjerojë ndikimin e saj rajonal, fillimisht përmes blerjes së rrjetit Spar Albania, duke sjellë standarde moderne, qasje të lehtë për konsumatorin dhe fokus të shtuar në qëndrueshmëri në tregun shqiptar.

Nga një rrugëtim i nisur në Kosovë, Viva Fresh po shndërrohet në një histori suksesi për gjithë rajonin.

Kompania synon të ndërtojë një të ardhme më të fortë për komunitetet që i shërben, me rrënjë të thella në Kosovë dhe vizion përtej kufijve.

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...