Andi Carlisle, gazetar ka komentuar mbi performancën e Shqipërinë në Eurovizion, e cila u kualifikuar për në finalen e madhe të saj.
Ai e cilëson këtë hap si një ndër shanset më të mira për Shqipërinë, kjo jo vetëm për hapin në finale por dhe për probabilitetin e lartë që Shqipëria ka për një fitore të mundshme sipas gazetarit.
“Mendoj që është një nga shanset më të mira që i jepet Shqipërisë për të fituar një çmim në Eurovizion. Ishte një këngë shumë e bukur që tregon jo vetëm për Shqipërinë por edhe për shqiptarët.
Pasi pashë performancën, mendoj vërtet se ka një shans që ta fitojë Shqipëria votën e jurisë. Performanca ishte në nivelin e duhur, pa asnjë defekt apo mangësi, ndaj është vërtet shansi më i mirë për të fituar.
I pyetur nëse do e krahasonte këtë përformancë me një tjetër gjatë Eurovizionit, gazetari tha se: “Ishte një përfaqësim i mirë dhe mendoj se ajo i ka bërë për vete fansat e Eurovizionit përderisa u kualifikua në natën finale, por nuk mund të krahasohet me dikë. Ishte e suksesshme”, tha ai.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
