Persona të panjohur hynë në celularin personal të shefes së stafit të Shtëpisë së Bardhë, Susie Wiles dhe përdorën kontaktet e saj për të telefonuar zyrtarë të lartë amerikanë dhe për t’u paraqitur si ajo.

Disa nga zyrtarët e kuptuan se diçka nuk ishte në rregull sepse telefonatat dhe mesazhet vinin nga një numër i panjohur dhe personi i paraqitur si Wiles kërkonte të vazhdonte komunikimin në një platformë tjetër – siç është Telegrami.

Bëhet e ditur se incidenti dhe nisja e një hetimi federal u raportua fillimisht nga Wall Street Journal.

“Shtëpia e Bardhë e merr shumë seriozisht sigurinë kibernetike të të gjithë punonjësve dhe ky rast mbetet nën hetim”, tha një zëdhënës i Shtëpisë së Bardhë për CBS News, duke iu përgjigjur pyetjeve në lidhje me incidentin.

Drejtori i FBI-së Kash Patel tha: “FBI i merr jashtëzakonisht seriozisht të gjitha kërcënimet ndaj presidentit, stafit të tij dhe sigurisë kibernetike; mbrojtja e aftësisë së zyrtarëve tanë për të komunikuar në mënyrë të sigurt është thelbësore për përmbushjen e misionit të presidentit”.

Ndryshe, Wiles u tha kolegëve të saj se telefoni i saj ishte hakuar.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!