Inspektorati Policor i Kosovës (IPK) është njoftuar nga Policia e Kosovës në Prizren për një incident fizik të ndodhur mes disa personave, ku dyshohet se njëri nga të përfshirët është zyrtar policor jashtë detyre.

Ngjarja ka ndodhur në rrugën “Tranziti i Vjetër” në Prizren, pas një konfrontimi verbal që më pas ka eskaluar në dhunë fizike.

Sipas hetimeve preliminare të IPK-së, disa persona kanë pësuar lëndime trupore gjatë këtij incidenti. Në njoftimin zyrtar thuhet:

“Si të dyshuar të përfshirë në këtë rast janë arrestuar tre persona – dy qytetarë dhe një zyrtar policor jashtë detyrës zyrtare, i cili tashmë është i suspenduar për një rast tjetër.”

Me vendim të Prokurorit kujdestar të Prokurorisë Themelore të Prizrenit, të tre të dyshuarve u është caktuar masa e ndalimit për 48 orë për veprën penale “Sulm” sipas nenit 184 të Kodit Penal të Republikës së Kosovës.

IPK thekson se mbetet e përkushtuar për të zbatuar mandatin ligjor dhe për të hetuar çdo dyshim që bie mbi zyrtarët policorë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!