Real Madrid synon të paraqitet në Kupën e Botës për Klube me një fazë defanzive pothuajse tërësisht të re këtë verë, por përforcimet në mbrojtje mund të mos përfundojnë aty.

Pas transferimeve të mbrojtësit të djathtë Trent Alexander-Arnold dhe qendërmbrojtësit Dean Huijsen, ‘Los Blancos’ pritet të sjellin edhe një mbrojtës të majtë.

Kjo, natyrisht, hedh hije dyshimi mbi të ardhmen e Ferland Mendy dhe Fran Garcia.

Real Madrid ka zhvilluar bisedime me Benficën për mbrojtësin e majtë spanjoll Álvaro Carreras, me të cilin ka arritur tashmë marrëveshje për kushtet personale.

Megjithatë, Benfica po qëndron e vendosur për të mos zbritur nga klauzola e lirimit prej 50 milionë eurosh, të cilën Real Madrid dëshiron ta ulë.

Palët kanë afërsisht një javë për të zgjidhur këtë çështje, pasi afati i merkatos përpara Kupës së Botës për Klube mbyllet të martën e ardhshme.

Real Madrid do ta vlerësojë mbrojtjen pas Kupës së Botës për Klube

Trajneri i ri Xabi Alonso do të nisë me një formacion 4-3-3 gjatë fazës përgatitore në Shtetet e Bashkuara dhe do të punojë për ta konsoliduar këtë sistem.

Aktualisht, ai dhe stafi i tij nuk besojnë se skuadra ka elementët e nevojshëm për të luajtur me tre mbrojtës në qendër, ndaj do të vazhdojnë me dy qendërmbrojtës.

Eder Militao, Antonio Rudiger dhe David Alaba po rikthehen nga lëndimet, ndërsa Raul Asencio dhe Dean Huijsen do të hyjnë në turne në formën më të mirë.

Megjithatë, mbeten ende dyshime mbi alternativat në mbrojtje, dhe sipas Marca, ato do të jenë nën vëzhgim gjatë Kupës së Botës për Klube.

Real Madrid do të shqyrtojë mundësinë e afrimit të një tjetër qendërmbrojtësi këtë verë nëse nuk do të jenë të bindur nga performanca e atyre që kanë në dispozicion./

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!