Deputeti i Kuvendit të Kosovës nga radhët e Partisë Demokratike të Kosovës, Nait Hasani tha se i është kërkuar vota nga Lëvizja Vetëvendosje dhe nga Nisma Socialdemokrate.

Hasani në Klan Kosova tha se që nga fillimi i zgjedhjeve ishte për një “jo koalicion me LVV”, duke shtuar se me këtë parti nuk janë armiq, por janë kundërshtarë politikë.

“Kanë kërkuar edhe nga unë t’i mbështes. Kam thënë nuk e meritojnë votën time për një mbështetje në formën e tillë. Duhet t’i bëhet zyrtarisht PDK-së ftesa. Ata kanë menduar që me mua mund të kenë një mundësi të bisedës për shkak të transparencës”, tha Hasani

Ai tha duhet të kuptohet se LVV nuk është fituese, sepse zgjedhjet fitohen me 50 për qind, por ka dalë e para dhe duhet “ta ulë” veten dhe të hyjë në bashkëqeverisje.

“Unë e ndiej veten shumë keq kur shkoj, sepse atë që ne kemi premtuar, ato që i kemi kërkuar që të realizohen, ato shtyhen përditë. Kjo tregon neglizhencën e kryetarëve të partive”, tha Hasani, duke shtuar se vendimi i Gjykatës Kushtetuese duhet të vijë më shpejtë, në të kundërtën duhet që presidentja e vendit, Vjosa Osmani të angazhohet që ta ruajë balancin politik.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!