Arbesa Meholli, gruaja e vëllait të ish-kandidatit për deputet nga Lëvizja Vetëvendosje në Vushtrri, Sylejman Meholli, është punësuar si zyrtare në Ministrinë e Mbrojtjes, shkruan Gazeta Insajder.

Sipas dokumenteve zyrtare, Arbesa Meholli është shpallur fituese e konkursit për pozitën “Zyrtar i Administratës”, me vendim të datës 30 maj 2025. Në këtë proces përzgjedhjeje kanë marrë pjesë edhe dy kandidatë të tjerë, por Meholli është vlerësuar si më e suksesshmja.

Gazeta Insajderi ka mësuar se ajo është familjare e afërt e një zyrtari të lartë të VV-së në Vushtrri – konkretisht, bashkëshortja e vëllait të Sylejman Mehollit, kryetar i degës së partisë në këtë komunë.

Ky i fundit ka qenë kandidat për deputet nga Vetëvendosje në zgjedhjet parlamentare të vitit 2019, por nuk ka arritur të sigurojë mjaftueshëm vota për të hyrë në Kuvendin e Kosovës.

Ndërkohë, Insajderi kishte raportuar ditë më parë se Meholli ka aplikuar edhe për pozitën e drejtorit të Spitalit të Përgjithshëm në Vushtrri.

Ai është futur në listën e kandidatëve që kanë kaluar fazën e verifikimit dhe pritet të mësohet nëse do të zgjidhet në këtë pozitë./Gazeta Insajderi/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!