Një person është arrestuar nga Policia në Gjakovë pas dyshimeve se ka ushtruar dhunë psikike dhe ka kanosur bashkëshorten e tij, ndërsa gjatë hetimeve është zbuluar se ai posedonte armë pa leje në banesën e tij në fshatin Osek Pashë, Komuna e Gjakovës.

Policia e Kosovës njofton se gjatë kontrollit në shtëpinë e të dyshuarit, një mashkull i moshës madhore dhe shtetas i Republikës së Kosovës, janë gjetur dhe sekuestruar:

Një pushkë automatike e llojit AK-47 me dy karikatorë dhe 566 fishekë;

Një pistoletë me tre karikatorë dhe 31 fishekë.

Pas përfundimit të procedurave policore, me vendim të Prokurorit të Shtetit, i dyshuari është ndaluar në mbajtje për 48 orë. Ndaj tij është iniciuar rast penal për veprat “Dhunë në familje” dhe “Mbajtje në pronësi, kontroll ose posedim të paautorizuar të armëve”.

Drejtoria Rajonale e Policisë në Gjakovë ka theksuar se mbetet e përkushtuar në luftimin e veprimtarive të kundërligjshme dhe në garantimin e sigurisë për të gjithë qytetarët.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!