Komuna e Prishtinës, në bashkëpunim me KD Events & Communications dhe Art Motion, sjell transmetimin LIVE të ndeshjes Shqipëri–Serbi në sheshin “Zahir Pajaziti”!

Mbrëmja e 7 qershorit nuk do të jetë një natë si gjithë të tjerat. Përballja më emocionale dhe
simbolike e futbollit shqiptar do të kthehet në një përjetim masiv dhe unik për qytetarët e
kryeqytetit, me emocion, krenari dhe bashkim kombëtar, në zemër të Prishtinës.

Në një nga hapësirat më ikonike të qytetit, do të vendoset një ekran gjigant LED, zërim profesional
dhe skenografi simbolike, që do të shndërrojnë sheshin “Zahir Pajaziti” në tribunën më të madhe
shqiptare, aty ku sporti takon identitetin dhe emocionin kolektiv.

Ky organizim vjen si vazhdimësi e përkushtimit për t’i sjellë publikut shqiptar ngjarjet më të mëdha
ndërkombëtare, duke ndërtuar përvoja të paharrueshme rreth vlerave të sportit dhe unitetit.
Transmetimi fillon në orën 20:45 dhe hyrja është e lirë për të gjithë.

Komuna e Prishtinës, KD Events & Communications dhe Art Motion ftojnë opinionin e gjerë dhe të
gjithë qytetarët që ta përjetojnë këtë ngjarje si një manifestim të vërtetë të unitetit kombëtar.Të
jemi bashkë. Të brohorasim bashkë. Të fitojmë bashkë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!