Policia e Kosovës ka njoftuar se ka filluar hetimet lidhur me disa mbishkrime me përmbajtje përçarëse të shkruara në veri të vendit, konkretisht në rrugën “Krajl Petar” në Mitrovicën e Veriut.
Sipas raportit policor, më 6 qershor 2025, rreth orës 20:00, janë vërejtur në rrugë shkrime me përmbajtjen “Kosovo je Srbija” (Kosova është Serbi), që cilësohen si përpjekje për nxitje të përçarjes.
Rasti është duke u hetuar nga njësitet përkatëse, ndërsa autoritetet janë angazhuar për identifikimin e personave përgjegjës dhe marrjen e veprimeve të mëtejshme ligjore.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
