Sulmuesi i Kombëtares shqiptare, Rey Manaj, ka reaguar pas penalltisë së humbur në ndeshjen kundër Serbisë, e vlefshme për kualifikueset e Kupës së Botës 2026.
Në një mesazh emocional në rrjetet sociale, Manaj shprehu keqardhjen dhe kërkoi falje nga të gjithë – tifozët, bashkëlojtarët dhe stafi i ekipit.
“Sot ndjej një dhimbje të madhe që nuk mund ta shpjegoj me fjalë… Ju siguroj që kjo ndjesi nuk më lë rehat dhe do ta përdor si forcë për të ardhur më i fortë, më i përqendruar dhe më i vendosur,” – shkroi Manaj, duke marrë përgjegjësinë e plotë si sulmues.
Reagimi i tij u prit me mbështetje nga shumë tifozë që e vlerësuan ndjeshmërinë dhe përkushtimin për t’u rikthyer më mirë në fushë.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
