Një tentativë për futjen e substancave të dyshuara narkotike brenda Qendrës Korrektuese të Dubravës është parandaluar nga zyrtarët korrektues gjatë një kontrolli rutinë.

Ngjarja ka ndodhur në sallën e vizitave, ku një vizitor është kapur me drogë të fshehur në trupin e tij. Sipas njoftimit zyrtar nga Shërbimi Korrektues i Kosovës (SHKK), gjatë bastisjes së zakonshme në kabinën e kontrollit, zyrtarët kanë zbuluar përpjekjen për kontrabandim dhe kanë ndërhyrë menjëherë për të ndaluar situatën.

“Vizita është anuluar menjëherë dhe personi në fjalë është ndaluar në sallën e vizitave,” thuhet në deklaratën e SHKK-së.

Pas identifikimit të substancës së dyshuar, rasti i është dorëzuar Policisë së Kosovës, e cila ka nisur hetimet dhe procedurat ligjore për ndjekje penale.

SHKK ka përsëritur zotimin për tolerancë zero ndaj çdo përpjekjeje për kontrabandë, duke theksuar se masat e sigurisë dhe kontrollit do të vazhdojnë me intensitet të lartë.

“Do të vijojmë me zbatimin e kontrolleve rigoroze për të parandaluar futjen e materialeve të ndaluara në institucionet tona,” thekson më tej njoftimi i SHKK-së.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!