Një ngjarje e rëndë ka tronditur komunën e Vitisë, pasi 26-vjeçari Ideal Halabaku humbi jetën tragjikisht të dielën në një aksident në autostradën “Arbën Xhaferi”.
Lajmin e kobshëm e ka bërë të ditur familja Halabaku, e cila njoftoi se varrimi i të ndjerit do të bëhet sot (e hënë), në ora 18:00, në varrezat e qytezës së Pozheranit.
“Ju njoftojmë që varrimi i të ndjerit Ideal Halabakut, djali i Mufail Halabakut, i cili humbi jetën dje tragjikisht, bëhet sot në ora 18:00 në varrezat e qytezës në Pozheran”, thuhet në njoftimin e familjes.
Ngushëllime për këtë humbje të madhe ka shprehur edhe kryetari i Komunës së Vitisë, Sokol Halili.
“Me dhimbje të thellë pranova lajmin për vdekjen tragjike të të riut Ideal Halabaku, i cili u nda nga jeta në mënyrë të parakohshme dhe të dhimbshme, duke lënë pas pikëllim të madh te familja, miqtë dhe te e gjithë shoqëria jonë. Në emrin tim personal dhe të Komunës së Vitisë, i shpreh ngushëllimet më të sinqerta familjes Halabaku”, ka shkruar Halili.
Ai e ka cilësuar Idealin si një të ri shembullor dhe të dashur, duke theksuar se kujtimi për të do të mbetet gjithmonë i gjallë në zemrat e atyre që e njohën.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
