Një ngjarje tragjike ka ndodhur në orët e hershme të mëngjesit të sotëm në fshatin Gurakoc të komunës së Istogut, ku një person i gjinisë femërore është gjetur pa shenja jete.
Lajmin e ka konfirmuar për Insajderin zëdhënësi i Prokurorisë Themelore në Pejë, Shkodran Nikçi, i cili tha se dyshimet e para janë që e njëjta ka kryer vetëvrasje.
“Sot në orët e hershme të mëngjesit në fshatin Gurakoc të Istogut, një person i gjinisë femërore është gjetur pa shenja jete. Në vendin e ngjarjes kanë dalë njësitë relevante policore, ndërkaq me urdhër të prokurorit të shtetit, trupi i pajetë është dërguar në Institutin e Mjekësisë Ligjore për autopsi. Dyshimet preliminare tregojnë se e njëjta dyshohet se ka bërë vetëvrasje,” tha Nikçi.
Insajderi mëson se viktima është e lindur në vitin 1963.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
