Sot në Gjykatën Themelore është mbajtur seanca ndaj Dodë Ricës. Ai së bashku me Ana Gjoshin akuzohen se kanë kryer veprat penale: ofrim i lokaleve për prostitucion, mundësim ose detyrim i prostitucionit dhe trafikim me qenie njerëzore, shkruan Insajderi.

Pronari i rrjetit të lokaleve të striptizmit “Club Shqiponja” u arrestua në gusht të vitit të kaluar në qytetin e Durrësit, ndërsa Gjykata e Tiranës dhe ajo e Apelit miratuan arrestin me burg dhe më pas ekstradimin e tij në Kosovë. Aktualisht gjendet në paraburgim, ndërkaq Gjoshi është në arrati në Dubai.

Insajderi ka siguruar aktakuzën, ja si funksiononte rrjeti

Ana Gjoshi si menaxhere e club-it fillimisht siguronte kontaktet me gratë nëpërmjet rrjeteve sociale, më pas Rica u dërgonte ftesa për të punuar dhe kryer pushimet në Shqipëri.

Sipas dosjes që e ka siguruar Insajderi, ata siguronin mjetet e transportit, me të mbërri direkt i dërgonin në Prishtinë në klubin “Shqiponja Club”.

Më të arrirë, Gjoshi ua merrte pasaportat grave dhe i vendosnin në ambiente ku ishin të monitoruara nga kamerat, përveç kësaj, me qëllim kontrollimi, atyre u ishte caktuar edhe koha se kur mund të dalin jashtë.

Me anë të këtyre masave ata i detyronin ato të zhvisheshin nudo, të shkonin në dhomat VIP tek klientët, duke i detyruar të kryenin edhe marrëdhënie seksuale, shkruan Insajderi.

Këtë hetim e ka udhëhequr Shefi i Departamentit të Krimeve të Rënda në Prishtinë, Bashkim Zeqaj.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!