Protesta e paralajmëruar nga Oda Ekonomike e Kosovës, në bashkëpunim me përfaqësues të sektorit privat, ka nisur sot në sheshin “Skënderbeu” në Prishtinë dhe pas pak minutash pjesëmarrësit janë nisur drejt zyrave të Zyrës së Rregullatorit për Energji.

Me pankarta në duar si “Mos na le pa punë” dhe “Mos e favorizoni importin”, protestuesit po kundërshtojnë vendimin e ZRRE-së për hapjen e tregut të lirë të energjisë elektrike, i cili hyri në fuqi më 1 qershor.

Organizatorët thonë se ky vendim dëmton rëndë sektorin privat dhe rrezikon mijëra vende pune, pasi i ekspozon konsumatorët komercialë ndaj çmimeve të paqëndrueshme në tregun ndërkombëtar të energjisë.

Pamjet nga protesta tregojnë qindra qytetarë dhe përfaqësues të bizneseve që po ecin të qetë, por të vendosur drejt objektit të ZRRE-së, duke kërkuar anulimin e vendimit dhe mbrojtjen e prodhuesve vendorë.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!